20 April 2023
Die minister van elektrisiteit, Kgosientsho Ramokgopa sê die kragnetwerk sal nié ineenstort nie.
Hy het in ‘n onderhoud met die nuusdiens, EWN die versekering aan Suid-Afrikaners gee dat hy en Eskom talle planne in plek het voordat die kragnetwerk in dui stort. Beurtkrag wissel reeds die afgelope paar dae tussen fase 5- en 6.
Volgens Ramokgopa is daar altyd ‘n bykomende 2 000 megawatt se reserwe krag wat die kragnetwerk moet beskerm.
Hy sê hy besef dat fase 6-beurtkrag ernstig van aard is, maar meen die kragvoorsiener doen alles in sy vermoë om te verhoed dat hoër fases van beurtkrag geld.
Hy sê watervlakke en ander produksie kan redelik in toom gehou word tydens fase 6-beurtkrag, maar teen hoër fases raak dit byvoorbeeld moeiliker om water na reservoirs te pomp.
