18 Januarie 2023
Die 8-jarige tier wat verlede week in die Walkerville omgewing van ‘n kleinhoewe ontsnap het, is in die vroeë oggendure van kant gemaak.
Die tier genaamd Sheba het ‘n kleinhoewe, Walkers Fruit Farms betree waarop daar ses gesinne woonagtig is.
Sy het weer een van die honde doodgebyt. Volgens News24 en Die Vaalweekblad was Sheba se eienaar, Rassie Erasmus ook by toe sy opgespoor is.
Daar is besluit om die tier van kant te maak, omdat verdowing glo nie ‘n opsie was nie, en sy ‘n gevaar ingehou het vir mense in die omgewing.
Intussen is daar gemengde reaksie op sosiale media oor die nuus dat Sheba van kant gemaak is. Sommige Twitter-gebruikers meen die tier was geweldadig van aard, terwyl ander gebruikers wil weet of daar nou opgetree gaan word teen die eienaar.
FOTO’S: Facebook
