29 Desember 2021
‘n Transformator by die Camden steenkoolkragstasie in Mpumalanga het ontplof na ‘n interne fout by eenheid 8.
Eskom het ‘n kort ruk gelede in ‘n verklaring bevestig dat die ontploffing gelei het tot die verlies van die eenheid, wat beteken dat sowat 190 megawatt verlore gaan.
Die kragvoorsiener se woordvoerder, Sikonathi Mantshantsha sê ‘n brand, wat ontstaan het is ook intussen geblus.
Hy sê Eskom verwag nie dat dié ontploffing ‘n invloed op die land se krag sal hê nie. Volgens hom word die omvang van die skade ook nog bepaal.
