14 Julie 2021
Die waarnemende minister in die presidensie, Khumbudzo Ntshavheni sê grootskaalse plundery in hoofsaaklik KwaZulu-Natal en Gauteng het oornag en ook vandag voortgeduur.
Sy het tydens ‘n mediakonferensie vanmiddag gesê dat dit egter wil voorkom asof die ontplooiing van 5 000 weermaglede en bykomende polisiebeamptes besig is om vrugte af te werp met minder gevalle van geweld, wat aangemeld word.
LEES OOK: APTEKERSRAAD: “90 APTEKE GISTER GEPLUNDER”
Volgens Ntshaveni is 208 gevalle van plundery aangemeld – 52 in Gauteng en 156 in KwaZulu-Natal.
1600 mense tot dusver in hegtenis geneem. In Gauteng is 606 mense in hegtenis geneem, gevolg deur 1068 in KZN. Talle mense is ook te midde van die plundery dood.
Sy sê die regering is besig met planne om voedsel-sekuriteit te verseker en het ‘n beroep op mense gedoen om nié weens paniek onnodige produkte te koop of brandstof in te gooi nie.
Volgens Ntshaveni is die land steeds te midde van ‘n derde Covid-19-vlaag en kan daar ‘n toename weens indien mense weens paniek by inkopiesentrums saamdrom.
Hou Afrikaans op die lug
