4 Oktober 2024
Solidariteit waarsku teen ‘n nasionale krisis indien onderwysers in groot getalle afgelê sou word weens onderwysdepartemente se begrotingstekorte.
In ʼn skrywe aan die minister van basiese onderwys, Siviwe Gwarube, sê Solidariteit hy verwag dat alles moontlik gedoen sal word om só ʼn situasie af te weer.
Die hoof van die Solidariteit Onderwysernetwerk, Johan Botha sê dit was bemoedigend om te hoor afleggings word wel nie onmiddellik beplan nie, maar kommer heers nogtans oor planne om die vul van onderwysposte te staak.
“Ons waarsku dat selfs die onwilligheid om poste te vul ʼn groot uitwerking op bestaande onderwysers se dagtaak sal hê. Onderwysers moet immers reeds met ʼn hoë werkslading byhou en dit sluit administratiewe werk, ekstra klasse en buitemuurse aktiwiteite soos sportafrigting in.”
Hy sê Solidariteit sal alles in sy vermoë doen om die werk en welstand van sy lede in die onderwys te beskerm.
