19 Augustus 2024
Die minister van basiese onderwys, Siviwe Gwarube, het vroeër vandag gesê die onderwyssektor is besig met ‘n fundamentele hersiening van die skoolkurrikulum.
Die hersiening sal insluit wat kinders geleer word, die benadering wat onderrig betref, die assessering en die professionele ondersteuning wat aan klaskamerpraktisyns verskaf word.
Gwarube het tydens die opening van die 40ste Vereniging vir Opvoedkundige Assessering in Afrika se jaarlikse konferensie gepraat.
Sy sê die departement poog om leerlinge te lewer wat effektief kan kommunikeer en digitaal geletterd is.
Sy sê vyf sleutelprioriteite is geïdentifiseer, waarvan twee op geletterdheid en syfervaardighede sal fokus. Volgens haar is dit belangrik om ook ‘n groter klem te plaas op vaardighede, omdat die huidige kurrikulum ‘n sterk fokus plaas op akademie en kennis.
