4 Desember 2024
‘n Onderwyseres, wat besig was om IsiXhosa matriekeindeksamen-antwoordstelle by die Alberton-nasiensentrum te merk, is dood nadat sy glo geval en haar kop gestamp het.
Die LUR vir onderwys in Gauteng, Matome Chiloane sê volgens berigte het die onderwyseres gisteraand geval nadat sy die nasiensentrum verlaat het. Sy het glo haar kop teen ‘n paal gestamp.
Hy sê die 50-jarige vrou is na die hospitaal gehaas, maar is later dood verklaar terwyl sy mediese behandeling ontvang het.
Volgens Chiloane is beraders vandag by die Alberton-nasiensentrum om ondersteuning te bied. Hy sê die onderwyseres se bydrae tot die onderwys is van onskatbare waarde.
