15 November 2022
Die departement van onderwys het ‘n week uitstel gevra nadat die Suid-Afrikaanse Onderwysersunie, die SAOU, die departement tot gistermiddag kans gegee het om ‘n onderneming te gee dat hy in die toekoms met beheerrade onderhandel oor die toelating van leerders, en nie die skoolhoofde nie.
Dit kom nadat die departement daarvan verdink word dat hy skoolhoofde die afgelope tyd afknou om nóg leerders toe te laat terwyl die skole reeds vol is.
Die uitvoerende hoof van die SAOU, Chris Klopper, sê die departement het in antwoord op die organisasie se brief om uitstel gevra.
Klopper het bygevoeg dat die SAOU gereed is om met regstappe voort te gaan indien hulle nie ‘n gunstige reaksie van die departement af kry nie.
