10 Februarie 2025
Amptenare van die KwaZulu-Natalse onderwysdepartement sal vandag met leerders van Durban se Centenary Secondary School vergader ná ’n bakleiery waarin drie leerders met messe gesteek is.
Dit kom ná uitgebreide vergaderings waarby die skool se bestuur en amptenare van die departement betrokke was, om die oorsaak van die bakleiery vas te stel.
Die departement se woordvoerder, Muzi Mahlambi, het bewerings van rassespanning by die skool verwerp en gesê die geveg is wanvoorgestel in ‘n video wat aanlyn gedeel is.
Mahlambi sê dit is nie bekend nie wie die opskrif op die video aangebring het waarin daar gesê word dat swart leerders, Indiese leerders aanval.
Volg die skakel vir ‘n video van die bakleiery. https://fb.watch/xFvwWGf63G/
