21 Oktober 2024
Die departement van basiese onderwys het sy kommer uitgespreek oor gure weer wat in sommige dele van die land heers op die eerste dag van vanjaar se matriekeindeksamen.
Dit is veral eksamensentrums in KwaZulu-Natal en die Oos-Kaap wat hierdeur geraak word.
‘n Woordvoerder van die departement, Elijah Mhlanga sê sommige gebiede is geneig tot oorstromings en hou ‘n bedreiging in vir die eksamen.
Mhlanga sê ‘n ander kwessie wat die gevaarligte laat flikker is infrastruktuurkwessies met talle matrieks in landelike gebiede wat riviere – wat in vloed is – moet oorsteek om eksamen te skryf.
Die matriekgroep skryf vanoggend Engels se derde vraestel, en vanmiddag Afrikaans se derde vraestel. Die eksamen duur toe 28 November.
