21 September 2022
Die burgerregtegroep, Action Society, verwelkom die inhegtenisneming van die voormalige polisiekommissaris, Kgomotso Phalane, en ander senior offisiere in verband met ‘n aankoopskandaal van nagenoeg R54-miljoen.
Volgens Action Society se woordvoerder, Ian Cameron, is hy van mening dat die ondersoek uitgebrei moet word om die huidige minister van vervoer, Fikile Mbalula en die voormalige nasionale polisiekommissaris, Khehla Sitole in te sluit.
LEES OOK: VOORMALIGE POLISIEKOMMISSARIS IN HEGTENIS GENEEM
Cameron sê dat Mbalula nie net deur Sitole by die saak betrek is nie, maar dat hy ook die minister van polisie was gedurende die tydperk wat die vermeende oortredings plaasgevind het.
Hy het benadruk dat Action Society al ‘n geruime tyd van mening is dat die skoonmaakproses in die polisie van bo af moet geskied.
