31 Mei 2021
Die Padverkeers-Bestuurskorporasie het sy skok uitgespreek oor ‘n video wat op die sosiale media die rondte doen waarin gesien kan word hoe ‘n oënskynlike verkeersbeampte ‘n motoris klap.
Daar kan ook gehoor word hoe hy die motoris vloek.
Die video is glo deur die bestuurder se vrou afgeneem maar dit is nie seker waar of wanneer die voorval plaasgevind het nie en wat aanleiding daartoe gegee het nie.
Die korporasie het gesê dit is niks anders as misdadigheid en boewery nie en het mense met inligting oor die voorval gevra om na vore te kom. Volgens hulle, het hulle al inligting oor die voorval ontvang, maar stel eers ondersoek in.
Die minister van vervoer, Fikile Mbalula het ook in reaksie op die video gesê dat die eienaar van die motor so gou moontlik na vore moet tree.
Waarskuwing: Die video bevat kru-taal.
