13 April 2023
Investec se hoofekonoom, Annabel Bishop, sê die daling in jaarlikse salarisse is ‘n weerspieëling van besighede wat ‘n omgewing van hoë bedryfskoste in die gesig staar.
Sy sê die daling in die jaarlikse salarisse – in nominale én reële terme – moet gesien word teen die moeilike omgewing waarin ondernemings hulle bevind.
Hoewel verskeie faktore ‘n rol speel word beurtkrag uitgesonder as een daarvan.
Volgens Bishop het vroeë verbruikersdata van BankservAfrica vir Februarie getoon dat die gemiddelde maandelikse vergoeding wat Suid-Afrikaners in hulle sakke steek in nominale terme met een-komma-agt-persent gedaal het teenoor die vorige jaar.
Dit verteenwoordig ‘n salaris van vyftien-duisend-een-honderd-ses-en-tagtig rand per maand.
In reële terme lyk dit nóg slegter met ‘n daling van 8,3% na R14 225.
