30 Oktober 2023
Die departement van onderwys in Gauteng gaan ‘n onafhanklike regsfirma aanstel om die omstandighede rakende die dood van ‘n graad 6-leerling, van die Laerskool Khehlekile in Thokoza te ondersoek.
Die LUR vir onderwys in Gauteng, Matome Chiloane sal na verwagting vandag die voorgestelde onafhanklike regsfirma aan die skool se bestuurspan en die skool se beheerliggaam voorlê.
Daarna sal die LUR ook die prokureursfirma aan die Mbatha-familie voorstel.
Die 12-jarige Sibusiso Mbatha het verlede week sy eie lewe geneem deur homself te hang.
Hy is na bewering verbaal deur ‘n skool-onderwyser oor sy seksualiteit geboelie.
