17 April 2023
President Cyril Ramaphosa het die wysigingswetsontwerp op die Kieswet onderteken.
Die presidensie het dit vroeër vandag bevestig.
Onafhanklike kandidate sal nou ingevolge dié wysigings aan provinsiale en nasionale verkiesings kan deelneem.
Die Nasionale Vergadering het die wysigings aan die Kieswet in Februarie aanvaar, te midde van besware uit die burgerlike samelewing en sommige opposisiepartye.
Volgens die presidensie is Ramaphosa oortuig dat die wetsontwerp aan grondwetlike vereistes sal voldoen.
