16 Januarie 2023
Die omstrede sewepuntvraag in die tweede Wiskundevraestel – wat matrikulante tydens die Nasionale Senior Sertifikaat Eksamen laat kopkrap het – is heeltemal geskrap.
Die voorsitter van die Umalusi-raad, Professor Yunus Ballim, het tydens ʼn mediakonferensie erken daar was ʼn tekenfout by dié vraag – wat in die trigonometrieafdeling van die vraestel voorgekom het.
Hy sê alle matrikulante wat dié vraestel geskryf het, se punte sal opwaarts aangepas word.
Vroeër is berig dat Umalusi – die raad vir gehalteversekering in algemene onderwys en opleiding – dié vraag sal ondersoek nadat leerlinge en onderwysers gesê het hulle kon nie ‘n antwoord vir die vraag bereken nie.
