12 Januarie
Energiekenners en ekonome vind dit vreemd dat president Cyril Ramaphosa gesê het dat die afskryf van Soweto se skuld aan Eskom oorweeg word.
Volgens berekeninge is die sowat R60-miljard wat Soweto – sáám met ander munisipaliteite landwyd aan die kragverskaffer verskuldig is – voldoende om genoeg diesel aan te koop om vir nagenoeg vyf jaar drie fases beurtkrag te vermy.
Ramaphosa se opmerking kom nadat die Gautengse premier ‘n versoek in dié verband gerig het. Die president het Maandag in ‘n vraag-en-antwoordsessie gesê dat dit die ANC se posisie is dat Soweto se skuld afgeskryf moet word.
Soweto – wat sy krag direk by Eskom aankoop – skuld die nutsmaatskappy R4,4-miljard.
Dié buurt se skuld is reeds verskeie kere sedert 2003 afgeskryf. Die Organisasie teen Belastingmisbruik (OUTA) se uitvoerende hoof, Wayne Duvenage sê die oorweging om Soweto se skuld af te skryf sal ‘n presedent skep.
Foto: SA History Online
