8 Junie 2021
Die Ouditeur-generaal het ‘n ernstige bevinding gemaak oor miljoene rand wat in 2018 bestee is om standbeelde vir die Vrystaatse provinsie te maak.
Die kontrak is aan die Bloemfonteinse maatskappy Top Mark toegeken en niemand kan nou verduidelik hoekom dit so dringend was dat die normale tenderprosesse gesystap is nie.
Die standbeelde van Albertina Sisulu, Fezile Dabi en Leabua Jonathan is volgens ‘n diensleweringsooreenkoms gemaak en is bestem vir Bloemfontein, Welkom en Parys.
Die R7,5-miljoen word nou as onreëlmatige uitgawes beskou.
Die tender is net vir 14 dae geadverteer en nie vir die gebruiklike 21 nie en die tenderdokumente het intussen skoonveld verdwyn.
(Foto’s: Netwerk24)
