19 Julie 2022
Die openbare beskermer sê in ‘n verklaring dat president Cyril Ramaphosa ‘n aansoek ingedien het vir ‘n uitstel om sy 31 vrae oor die omstrede Phala Phala-skandaal te beantwoord.
Volgens die waarnemende OB, advokaat Kholeka Gcaleka is die aansoek egter van die hand gewys. Dit kom nadat daar in Februarie 2020 glo miljoene in buitelandse valuta op die president se plaas gesteel is.
Ramaphosa het tot gister – 18 Julie – kans gehad om te reageer op die 31 vrae nadat verskeie klagtes teen die president aanhangig gemaak is weens die beweerde diefstal.
Volgens Gcaleka gaan die OB nou Ramaphosa dagvaar om die vrae te beantwoord omdat hy die sperdatum misgeloop het.
Die openbare beskermer het benadruk dat hulle wel die ondersoek ernstig opneem.
