16 Januarie 2024
Die Internasionale Krieketraad het toestemming gegee dat Suid-Afrika kan voortgaan met sy aanbieding van die o. 19-wêreldbekertoernooi – wat Vrydag in Potchefstroom en Bloemfontein begin.
Dit kom ondanks veiligheidsbekommernisse wat daartoe gelei het dat SA se o. 19-kaptein, David Teeger (19) van sy leierskapspligte onthef is.
KSA het Sondag vir Juan James in Teeger se plek aangestel nadat Teeger in Oktober sy steun aan die Israelse weermag toegesê het in die voortslepende konflik met die Palestyne in Gaza.
Dié toernooi sou aanvanklik in Sri Lanka plaasvind, maar is in November na Suid-Afrika verskuif weens politieke spanning in Sri Lanka.
Berigte dat een van die borge – wat met KSA vereenselwig word – sy steun onttrek het, kon nog nie bevestig word nie.
Foto: The Times of Israel
