NVG sê “plunderaars” se sake sal voorkeur geniet

14 Julie 2021

Die Nasionale Vervolgingsgesag (NVG) sê diegene wat tydens die huidige vlaag geweldpleging in hegtenis geneem is, se sake sal voorkeur geniet wanneer dit voor die hof gebring word.

Dié aankondiging is in pas met die aankondiging deur president Cyril Ramapohosa Maandagaand dat die skuldiges so spoedig moontlik vervolg moet word.

LEES OOK: ONLUSTE RAAK ÓÓK NOU DIE LEWERING VAN BRANDSTOF

Duisende plunderaars is al hoofsaaklik in Gauteng en KwaZulu-Natal in hegtenis geneem in verband met die voortdurende vlaag openbare geweld wat sedert Vrydag opgevlam het.

Luidens die jongste getalle is 1 234 mense al in hegtenis geneem.

Verdagtes kan op verskeie klagtes tereg staan wat openbare geweld, aanhitsing tot geweld en opsetlike saakbeskadiging insluit.