26 April 2024
Die NVG sê hy is uiters teleurgesteld dat die voormalige uitvoerende hoof van Steinhoff, Markus Jooste, nie sy dag in die hof sal kry nie.
Volgens die NVG het dit hom ses jaar geneem om die saak teen Jooste op te bou en sal hy steeds agter die kap van die byl kom.
Jooste het verlede maand sy eie lewe op ‘n strand in Hermanus geneem op die vooraand van sy hangende inhegtenisneming.
Die NVG se adjunkhoof van vervolging, Anton du Plessis, sê die ondersoek van die kompleksiteit van Steinhoff se korporatiewe bedrog het ‘n groot risiko vir die aanklaer ingehou – wat 14 uur per dag gewerk het om ‘n stewige saak op te bou.
Du Plessis het egter Donderdag in gesprek met die Kaapstadse Persklub gesê Jooste se dood sal nie die voortgesette ondersoek beïnvloed nie.
