8 Januarie 2024
Die minister van justisie en korrektiewe dienste, Ronald Lamola, het die Nasionale Vervolgingsgesag (NVG) en sy Ondersoekdirektoraat se gebrek aan fondse om korrupsie en staatskapingsake te hanteer, weer beklemtoon.
Lamola sê hoewel die begroting op mediumtermyn met 5,39% gestyg het, is dit steeds onvoldoende om die land se talle korrupsiesake te hanteer.
Lamola sê die NVG-begrotingstoewysing het oor die mediumtermyn van R4,9-miljard tot R5,7-miljard toegeneem, om die NVG in staat te stel om staatskapingsake en die bekamping van korrupsie te hanteer.
Hy sê die verhoging is as gevolg van die R1,3-miljard bykomende befondsing, wat tydens die 2022 mediumtermynbegroting aan die NVG toegeken is.
