2 Maart 2023
Die nuwe burgemeester van die Tshwane-metro Murunwa Makwarela het glo reeds versoek dat hy ten alle tye met vier blouligvoertuie voorsien moet word, sowel as agt lyfwagte.
Makwarela dring ook aan op aanstellings van personeel in die kantoor van die burgemeester, met onmiddelike effek.
LEES OOK: KOALISIE IN TSHWANE-METRO BRING MOSIE VAN WANTROUE TEEN SPEAKER
Hy is Dinsdag verkies as die burgemeester, na raadslede van die veelpartykoalisie besluit het om hom te steun, eerder as hulle kandidaat Cilliers Brink. Makwarela het 112 stemme op verenig teenoor Brink se 101.
Makwarela het gister tydens ‘n perskonferensie uitgevaar teen die veelpartykoalisie, en sê die DA het hom opsy geskuif.
