2 September 2022
Die minister van vervoer Fikile Mbalula sê ‘n nuwe bestuurslisensiekaart sal van volgende jaar November af in gebruik geneem word, om die huidigde kaarte te vervang.
Die huidige kaarte sal egter nog tot in 2029 geldig wees.
Mbalula het vandag die media toegespreek oor verskeie kwessies rakende bestuurslisensiekaarte. Hy meen die huidige lisensiekaart is in 1998 in gebruik geneem en is daarom tyd vir verandering. Volgens Mbalula sal die verandering binnekort in die Staatskoerant gepubliseer word.
Hy sê daar is ook ‘n voorstel aan die kabinet gemaak om die geldigheid van bestuurslisensiekaarte te verleng van 5 jaar, na enige iets tussen agt en 10 jaar.
Volgens Mbalula is die agterstand met die uitreiking van lisensiekaarte ook uit die weg geruim, en neem dit nou gemiddeld 10 dae vir motoriste om hul nuwe kaarte te ontvang.
