27 Mei 2024
Suid-Afrikaners sal Woensdag, 29 Mei in die sewende verkiesing stem sedert die eerste demokratiese verkiesing, 30 jaar gelede in 1994.
President Cyril Ramaphosa het in sy weeklikse nuusbrief geskryf dat daar die afgelope 30 jaar min geweldadige insidente was, en is daarom hoopvol dat Woensdag se verkiesing ook vlot sal verloop.
Hy sê al verskil politieke partye en ander rolspelers van mekaar, ag Suid-Afrikaners die land se demokrasie as uiters belangrik en wil hulle dit beskerm.
President Cyril Ramaphosa het ‘n beroep op Suid-Afrikaners gedoen om mekaar se keuses op Woensdag se stemdag te respekteer.
Hy sê dit is belangrik om Woensdag te stem om diegene te eer wat geveg het vir vryheid, en die reg om te stem. Ramaphosa meen om te stem is ook uit respek vir mense wat die land gebou het tot waar hy vandag is.
