5 Oktober 2021
Die metaalwerkers vakbond, Numsa het vandag met sy staking begin deur lede in die staal- en ingeniers-bedryf.
Volgens die vakbond neem meer as 430 000 werkers aan die landswye staking deel.
Numsa en die vier ander vakbonde betrokke in die onderhandelinge wat al sedert April sloer, eis tans ’n verhoging van 8% vir alle werkers in die eerste jaar van die loonooreenkoms van drie jaar.
Daarna eis hulle inflasie plus twee persentasiepunte. Dit terwyl die bedryf 4% aanbied.
Die Suid-Afrikaanse Federasie vir Staal- en Ingenieursbedrywe het sy misnoë uitgespreek met Numsa se besluit om wel te staak, gegewe die toestand van die sektor en die werkloosheidsyfers.
Stem vir die Aitsa’s
