31 Julie 2023
Universiteite skarrel om geld in te samel om duisende studente se studieskuld te probeer vereffen nadat die Nasionale Finansiële Hulpstudenteskema, NSFAS, aangekondig het dat dié studente se befondsing onttrek gaan word.
Dié besluit is geneem omdat dié studente nie aan die nodige vereistes voldoen om hieruit voordeel te trek nie.
Verskeie studente sit nou in die middel van die akademiese jaar sonder geld om hulle voortgesette studies mee te betaal.
In reaksie hierop het universiteite begin met fondsinsamelingsprojekte waar mede-studente, lede van die publiek en sake-ondernemings gevra word om geld te skenk vir dié doel.
