6 November 2023
Die staat se nasionale finansiële hulpskema vir studente, NSFAS, sê byna 100 000 studente het nie hul November-toelaes ontvang nie omdat tersiëre onderwys-instansies gesloer het om die vereiste inligting in te dien.
NSFAS sê die data word vereis en moet geverifieer word voordat fondse vrygestel word.
Duisende studente – wat hoofsaaklik aan vyf universiteite verbonde is – sit gestrand namate die akademiese jaar ten einde loop.
’n Nuwe direkte NSFAS-betalingstelsel wat vanjaar ingestel is, het uitdagings opgelewer wat studente en die skema raak. Die maatskappye wat in beheer is van die nuwe betaalstelsel moes al voor die parlement verslag doen oor die stelsel en die foute wat daarmee saamgaan.
