9 Junie 2023
Die polisie en lede van die gemeenskap op Askam – in die Noord-Kaap – het met ‘n grootskaalse soektog na ‘n verdagte begin nadat ‘n boer van dié omgewing, André du Toit (54), gisteraand geskiet is.
Du Toit het gaan ondersoek instel nadat sy seun ‘n geluid by die vleiskamer gehoor het.
LEES OOK: “BOERE MOET HULSELF BESKERM”
Hy is in die bors getref en hoewel hy daarin kon slaag om terug te skiet, is dit nie bekend of sy aanvaller getref is nie.
Du Toit se vrou, Cilla, het hom na ‘n hospitaal op Upington geneem waar hy tans in die waakeenheid aansterk.
LEES OOK: 70-JARIGE MAN SE LIGGAAM OP PLAAS GEVIND
Die aanval op Du Toit kom kort nadat daar by ‘n buurman ingebreek en ‘n 9mm pistool gesteel is. Dit is die soveelste plaasaanval in ‘n kwessie van net langer as ‘n week.
