16 April 2021
Die polisie in die Vrystaat ondersoek ‘n saak van moord nadat die liggaam van ‘n 48-jarige nooddienswerker langs die R76-Lindley-pad in dié provinsie gevind is.
Die polisiewoordvoerder, kolonel Thandi Mbambo sê polisiebeamptes het gistermiddag omstreeks 1 uur die nooddiensvoertuig, ‘n wit Subaro Forester langs die pad gekry.
Die voertuig se hoofligte was aangeskakel en dit het in die rigting van Bethlehem gestaan.
Volgens Mbambo is die man se liggaam in die pad, agter die voertuig gevind. Volgens haar is die man teregstellingswyse geskiet en het hy vyf koeëlwonde aan die agterkant van sy kop gehad het.
Nog niemand is in verband met die voorval in hegtenis geneem nie.
