25 Januarie 2022
Die Wes-Kaapse premierskantoor het bevestig dat nóg vier amptenare – verbonde aan die departement van gemeenskapsveiligheid – geskors is hangende klagtes van wangedrag.
Dit volg nadat die LUR vir dié portefeulje, Albert Fritz, oor die naweek geskors is.
Die premier, Alan Winde, wou egter geen besonderhede bekend maak oor die aard van die beweerde oortredings nie en het aangedui dat dit vertroulik is.
LEES OOK: PARTY VRA VIR MEER INLIGTING OOR LUR SE SKORSING
Winde het egter gesê dat die aantygings teen Fritz baie ernstig was.
‘n Woordvoerder van die premier, Odette Cason sê die klagtes wat hulle ondersoek hou verband met moontlike oortredings van arbeidswette.
Verskeie mediahuise het reeds berig dat Fritz geskors is oor bewerings van seksuele teistering van junior kollegas.
