2 Junie 2022
Vier mense is dood in ‘n skietvoorval Woensdagmiddag 16:52 (plaaslike tyd) by die St Francis-hospitaal in Tulsa, Oklahoma.
Die adjunk-polisiehoof, Eric Dalgleish het tydens ‘n mediakonferensie gesê dat die verdagte ‘n aanvalsgeweer en ‘n handwapen by hom gehad het en dat hy ook op die toneel dood verklaar is.
Dit bring die sterftesyfer tot op vyf in die totaal.
Hy sê polisiebeamptes kon daarin slaag om binne drie minute op die toneel op te daag, wat volgens hom, daartoe gelei het dat die sterftesyfer nie hoër was nie.
Die identiteit van die skieter is nog onbekend.
