18 Oktober 2024
Te midde van ‘n uittog van hooggeplaaste politici het nóg ‘n parlementslid, Fana Mokoena as lid van die EFF bedank.
Dié party se parlementêre woordvoerder, Moloto Mothapo, het dié aankondiging gemaak.
Dit is die tweede hoë-profiel parlementslid wat dié week uit die EFF bedank nadat die voormalige openbare beskermer, advokaat Busisiwe Mkhwebane, haar bedanking aangekondig het.
Enkele van dié party se lede – met inbegrip van Floyd Shivambu en Mzwanele Manyi – het na hul bedankings hul by oudpresident Jacob Zuma se MK-party aangesluit.
