4 September 2024
Nóg ‘n hooggeplaaste lid van die EFF het uit dié party bedank.
Weke nadat hy aangekondig het dat hy werwing wil doen vir ‘n nuwe sekretaris-generaal vir dié party, het Mpho Morolane sy bedanking aangekondig.
Morolane was voorheen die leier van die studentevleuel van dié party.
Hy is die tweede lid van die sentrale bevelspan – die party se hoogste besluitnemingstruktuur tussen konferensies – wat die party verlaat.
Morolane se bedanking kom ná die van Floyd Shivambu wat hom by die MK-party aangesluit het.
Dit is nog nie bekend wat Morolane se onmiddelike toekomsplanne is nie.
