14 September 2021
Die Helen Suzman-stigting (HSS) het vandag ‘n dringende hofaansoek gebring om oud-president Jacob Zuma se vrylating op mediese parool te betwis.
Dit het vroeër aan die lig gekom dat die nasionale kommissaris van korrektiewe dienste, Arthur Fraser die mediese parool-raad se bevindinge geïgnoreer het en steeds besluit om Zuma op mediese parool te plaas. Hy is vroeër tot 15 maande gevangenisstraf gevonnis nadat hy skuldig bevind is aan minagting van die hof.
LEES OOK: FRASER “IGNOREER” RAAD SE MENING OOR ZUMA SE MEDIESE PAROOL; GEE STEEDS GOEDKEURING
Volgens die HSS soek hy toegang tot Fraser se verslag en redes vir dié besluit.
Dit nadat Fraser die HSS se spertyd om sy redes direk aan hul te verskaf, geïgnoreer het.
AfriForum se hoof van beleid en aksie, Ernst Roets het ook vroeër aangekondig dat die organisasie in die proses is om ‘n dringende hofaansoek teen sowel die departement van korrektiewe dienste as Fraser, te beteken.
LEES OOK: ZUMA SE R400 000-HOSPITAALREKENING MOONTLIK JOU PROBLEEM
Roets meen hierdie is ’n saak van nasionale belang en dat dit ’n skande is indien mense op grond van hul politieke aansien bevoordeel word. Die DA het ook so ‘n aansoek gebring.
Stem vir die Aitsa’s
