1 Februarie 2024
Die direkteur van die Bittereinders-groep, Francois van der Merwe staar nog ‘n aanklag in die gesig.
Van der Merwe se borgtogaansoek word tans in die Groblersdal landdroshof aangehoor. Hy is verlede Woensdag op ‘n aanklag van aanranding in hegtenis geneem. Hy is ook daarvan beskuldig dat hy ’n polisiebeampte verhoed het om sy pligte uit te voer.
Die staatsaanklaer, advokaat Nelson Moloto het die tweede aanklag egter laat vaar. ‘n Aanklag van openbare geweld en die versuim om te voldoen aan die bepalings van regulering van byeenkomste is by sy klagstaat gevoeg.
Hy is in hegtenis geneem na ‘n woordewisseling tussen ‘n groep optoggangers en die polisie buite die Groblersdal-landdroshof.
Die 63-jarige eienaar van Wildlife Investigation & Protection Services, Piet Groenewald en sy 27-jarige stiefseun, Stephan Greeff word daarvan beskuldig dat hulle ‘n werknemer, Veneruru Kavari aangerand, en ’n hond op hom losgelaat het.
