Nuwe wetgewing in Amerika kán daartoe lei dat van dié land se gunsteling peuselhappies in sekere gebiede verbied word indien die verpakking nie oor van die bestanddele waarsku nie.
Die wetgewing, wat 2027 in werking tree, noem ‘n lys van bestanddele wat spesiale waarskuwings moet aandui. Indien die spesifieke peuselhappie dié bestanddele bevat moet daar op die verpakking ‘n waarskuwing: “nie aanbeveel vir menslike gebruik nie” aangebring word.
Hierdie nuwe wetgewing gaan bekende peuselhappies soos Nacho Cheese Doritos, Skittles en M&M’s raak, asook sekere soorte ontbytpap soos Froot Loops en die gaskoeldrank, Moutain Dew.
Die goewerneur van Texas, Greg Abbott, het volgens Bloomberg 20 dae kans om dié wet te onderteken, maar dit is nog onduidelik of hy dit wel gaan doen.
Verskeie maatskappye, vervaardigers en die winkelgroep, Wallmart het skrywes aan die besluitnemers gerig waarin hulle, hulle misnoeë duidelik maak.
Foto: Slate.com
