17 Mei 2023
‘n Amerikaanse meisie, wat na bewering ses jaar gelede deur haar ma ontvoer is, is teruggevind nadat sy deur iemand herken is wat ‘n Netflix-reeks oor haar verdwyning gekyk het.
Die 9-jarige Kayla Unbehaun se ontvoering in 2017 was een van die ontvoeringsvoorvalle wat in die Netflix-reeks Unsolved Mysteries verskyn het.
‘n Kyker het die nou 15-jarige Kayla die afgelope naweek in ‘n winkelsentrum in Asheville, in die Amerikaanse deelstaat Noord-Carolina herken en die polisie ontbied.
Kayla se ma, Heather Unbehaun, is instussen in hegtenis geneem en Kayla is weer met haar pa, wat wettige toesig oor haar het, herenig.
