22 November 2021
Die ANC-raadslid, Eugene Johnson is vanoggend tot burgemeester van die Nelson Mandelabaai-metro verkies.
Die metro het vanoggend sy eerste raadsvergadering gehou sedert die plaaslike regeringsverkiesing op 1 November gehou is. Johnson het 60 stemme ontvang teenoor die DA se kandidaat, Nqaba Banga se 59 stemme. Banga was voorheen die burgemeester in dié metro.
Daar is 120 raadslede in die metro, met slegs een raadslid van die DA, wat afwesig was tydens die stemmery.
Die Nelson Mandelabaai-metro is een van die 66 munisipaliteite in die land waar geen volstrekte meerderheid stemme behaal kon word nie, wat beteken dat partye dus van koalisievennote afhanklik was.
Die president van die Northern Alliance, Gary van Niekerk is met 60 stemme as die speaker van die metroraad verkies.
Stem vir die Aitsa’s
