10 Januarie 2022
Nege mense is in Elsies Rivier in die Wes-Kaap in hegtenis geneem weens die beweerde onwettige handel in vetplante, wat gesien kan word as bedreigde vetplant spesies omdat dit baie stadig groei.
Die polisiewoordvoerder, luitenant-kolonel Sergio Kock sê die polisie in Springbok-en Kuilsrivier se eenhede vir veediefstal en bedreigde spesies het beslag gelê op 3500 Conophytum achabense plante ter waarde van ongeveer R200 000. ‘n Soortgelyke vetplant, die Conophytum Fredericea is ook in die verdagtes se besit gevind en het ‘n straatwaarde van meer as R150 000.
Kock sê die polisie het ook beslag gelê op twee voertuie en vyf selfone, wat glo in die misdade gebruik is.
Die verdagtes verskyn binnekort in die hof.
