30 Augustus 2021
Nege lede van een familie, onder wie ses kinders, is dood toe Amerika ‘n vuurpylaanval in Afghanistan afgeweer het.
Die Amerikaanse weermag het na bewering ‘n hommeltuig gebruik om ‘n lugaanval uit te voer op ‘n voertuig wat op pad was na die Kaboel-lughawe met ‘n groot hoeveelheid plofstof.
Die Amerikaanse sentrale kommando sê die persoon was glo ‘n ISIS-K selfdoodbomaanvaller. Die persoon was volgens die weermag in ‘n woongebied van Kaboel toe dit getref is. Die ontploffings weens die plofstof het na bewering tot die gesin van nege se dood gelei.
Die jongste slagoffer was twee jaar oud. Inwoners van die woongebied sê hulle het probeer om die vuur te blus met water, maar dat van die mense reeds dood was.
Die chaos in Kaboel heers reeds die afgelope paar weke nadat die Amerikaanse weermag sy troepe uit Afghanistan onttrek het en die Taliban oorgeneem het.
Hou Afrikaans op die lug
