23 Mei 2024
Minstens nege mense is dood, en talle beseer nadat ‘n verhoog weens stormsterk winde in Nuevo Leon in die noorde van Meksiko ineengestort het.
Die verhoog is opgerig vir ‘n saamstrek deur die presidensiële kandidaat van die Citizen’s Movement-politieke party.
Die presidensiële kandidaat van die party, Jorge Alvarez Maynez is ongedeerd, en het die voorval as tragies beskryf. Volgens hom was daar skielik ‘n rukwind wat die verhoog laat ineenstort het.
Volgens die goewerneur van Nuevo Leon, Samuel Garcia ia 50 mense beseer. Hy sê onder die oorledenes was agt volwassenes en en een kind.
Landsburgers van Meksiko stem op 2 Junie vir ‘n nuwe president.
