13 Oktober 2021
Die minister van samewerkende regering en tradisionele sake, dr. Nkosazana Dlamini-Zuma het wéér die nasionale ramptoestand verleng.
Die verlenging van die ramptoestand tot 15 November 2021 is in die Staatskoerant gepubliseer. Sy sê die besluit om die ramptoestand weer te verleng is geneem na gesprekke met die nodige rolspelers asook die kabinet.
Dlamini-Zuma meen dit is nodig om die ramptoestand te verleng sodat die nodige Covid-19-regulasies steeds toegepas kan word. Volgens haar is dit ook nodig vir die verlenging te midde van die regering se inentingsprogram en sy pogings om meer mense aan te moedig om teen Covid-19 ingeënt te word.
“Die regering se belangrikste prioriteit is steeds om mense veilig en gesond te hou en om ‘n einde aan Covid-19 te bring,” sluit sy af.
Stem vir die Aitsa’s
