28 Oktober 2021
Die nasionale departement van gesondheid het ook nou gereageer na bewerings wat die Independent Media-groep gister teen verskeie hospitale en ook dié departement gemaak het met betrekking tot die sogenaamde Tembisa-tien.
LEES OOK: VERSLAG: “TEMBISA-TIENLING IS ONTVOER AS DEEL VAN DIE ONWETTIGE HANDEL IN BABAS”
Volgens dié groep se voorsitter, dr. Iqbal Survé het die ma, Gosiame Sithole (37) wel geboorte geskenk aan die tienling, maar twee van die babas is dood. Hy meen die babas is weens mediese-nalatigheid dood. Hy het ook die departement daarvan beskuldig dat hulle betrokke is by ‘n sogenaamde sindikaat wat betrokke is by die handel in babas.
Die groep beweer dat die gesondheidsdepartement probeer om die sindikaat toe te smeer.
LEES OOK: REGSAKSIE BEGIN TEEN REDAKTEUR OOR “TIENLING”
Die departement van gesondheid se woordvoerder, Foster Mohale sê hulle sal nou saam met die Gautengse departement van gesondheid met regstappe begin.
“Ons daag enige persoon uit, wat dink dat hulle enitge bewyse het om na vore te tree.” Intussen het die Netcare- en Lenmed-hospitaalgroep ook bewerings ontken dat Sithole in enige van hulle hospitale behandel is.
Stem vir die Aitsa’s
