18 Maart 2024
Die minister van internasionale betrekkinge Naledi Pandor, is volgens berigte een van die ANC se premierskandidate vir die Wes-Kaap.
News24 berig dat sy een van drie kandidate is, en glo benoem is om swart en bruin kiesers in die Wes-Kaap terug te lok na die ANC.
Die ANC benoem gewoonlik nie sy premierskandidate voor verkiesings nie, maar die party is glo desperaat om weer steun te kry onder inwoners van die Wes-Kaap.
Pandor word ook as gewild beskou onder Moslem-gemeenskappe, omdat sy Suid Afrika se hofaansoek by die Wêreldhof teen Israel gelei het.
Die ANC het in die 2019 verkiesing net meer as 28% van die steun in die Wes-Kaap gekry.
