14 Augutus 2024
Meer as 1 640 mense is in die afgelope jaar in KwaZulu-Natal vermoor, deur verdagtes met onwettige vuurwapens.
Die provinsie se premier, Thami Ntuli het in die provinsiale wetgewer gesê dat KwaZulu-Natal steeds lam gelê word deur misdaad, wat daartoe lei dat besighede nie wil belê in die provinsie nie. Volgens hom voel inwoners onveilig in die provinsie.
Hy sê die hoë vlakke van misdaad het sy besluit beïnvloed om die departement van gemeenskapsveiligheid en skakeling by die premier se kantoor in te sluit, en dat dit dus vir hom die geleentheid sal bied om meer direk betrokke te wees by die bestryding van misdaad.
Ntuli sê meer polisiebeamptes moet by brandpunte ontplooi word, en dat daar beter beheer moet wees oor onwettige vuurwapens.
Volgens hom is daar ook ‘n kommerwekkende toename in mensehandel, dwelmsmokkelery, die verspreiding van nagemaakte goedere, en terreur-verwante aktiwiteite. Hy sê baie van die misdade vind deur die povinsie se hawens plaas.
