4 Oktober 2024
Die eerste Hoop, Glo, Lééf Gholfdag wat op 2 Oktober 2024 by Centurion Buiteklub plaasgevind het, was ‘n reuse sukses en daar is groot dank verskuldig aan almal wat betrokke was om van dié dag ‘n reuse sukses te maak!
Foodlovers Market was die hoofborg en het sonder huiwering aan boord gekom, so ook Fines4U wat die BBP-area geborg het. Halewood het gesorg vir verversings deur die loop van die dag en 1659-wyne het elke tafel bederf met ‘n heerlike bottel wyn! Love-Beloved was verantwoordelik vir die dekor tydens die aandfunksie en Elrize Alberts Bemarking het die veiling hanteer en het gesorg dat die items wat beskikbaar gestel is, teen die maksimum waarde verkoop word.
Die Hoop, Glo, Lééf Gholfdag is ‘n inisiatief van Pretoria FM en het ten doel om fondse in te samel vir gemeenskapsontwikkeling. Alle fondse word aan die nuutgestigte Hoop, Glo, Lééf-fonds geskenk om ons in staat te stel om ‘n aktiewe rol in die gemeenskap te speel. Hierdie inisiatief is daarop gemik om behoeftige individue en organisasies te ondersteun en ons gemeenskap te versterk.
Tydens dié gholfdag het Dewald Wilmans ‘n volmaakte kolhou geslaan op putjie nommer 8 en dié gelukskoot het vir groot vermaak gesorg tydens die verrigtinge!
Dit is vir Pretoria FM ‘n voorreg om met die borge geassosieer te word en daar is groot dank verskuldig aan al die putjieborge en spelers wat hulle harte en beursies oopgemaak het en Pretoria FM sal voortbou om die Hoop, Glo, Lééf Gholfdag ‘n jaarlikse instelling te maak.
Dank word uitgespreek teenoor XCO-Group vir die Pretoria FM-span se gholfhempies, vir die spelers se geskenksakkies en waterbottels.
Dankie aan die putjieborge, Foodlovers Market, Helpjag, Bosveld Charcoal, Raoul Capital, Boerboel Wear, Honda Tak-Centurion, Rebtech, Debt Rescue, Wanatu, Baytech Group, Eversolar, Bossenberg BB Nissan, asook G&tea!
Dankie aan almal wat pryse geskenk het, USN, Aquella, PVM, Irene Café, Pizzabrai, Bossenberg, Halewood, Qualito, Skin Renewal, 1659, Rentech, Bluebulls, Cosmo Industrial, Camp & Climb Centurion en Fines4U. ‘n Spesiale woord van dank aan Gerhard van Victorinox vir `n unieke Victornox horlosie wat opgeveil is deur Henico, van Elrize Alberts Bemarking.
Dankie aan Plectrum vir die vermaak tydens die aandfunksie en prysuitdeling, asook vir Àttsa vir die klank en toerusting. Carla Strauss, Just Mia, Cheralee en Pretoria FM se eie Dian van der Berg het die gaste vermaak tydens die aandfunksie. Dirk van der Westhuizen verdien ‘n spesiale vermelding vir sy uitstekende vertoning! Raak nou reeds betrokke en bespreek jou plek by volgende jaar se Hoop, Glo, Lééf Gholfdag deur ‘n e-pos te stuur aan [email protected].
