24 Mei 2021
Die algemene bestuurder van bedryfsdienste by die Richards Bay Minerals-myn in KwaZulu-Natal, Nico Swart, is doodgeskiet in vermoedelik ‘n sluipmoordaanval.
Die 47-jarige Swart was vanoggend op pad werk toe, toe hy deur drie gewapende voetgangers – ten aanskoue van verskeie motoriste – doodgeskiet is.
Volgens die polisiewoordvoerder, kaptein Nqobile Gwala het die voorval in Meerensee, ‘n woonbuurt van Richardsbaai, plaasgevind.
Sy voertuig is deur ongeveer twintig hoë-kaliber koeëls getref en hy is op die toneel dood verklaar.
Swart laat sy vrou en twee kinders agter.
