19 Desember 2022
Multichoice is beveel om ‘n voormalige werknemer te vergoed nadat hy sy werk verloor het omdat hy gekies het om nie ingeënt te word teen Covid-19 nie.
Die maatskappy het Donaldson Mofokeng permanent ongeskik verklaar, na hy gevra het vir ‘n uitsondering vir die maatskappy se inentingsbeleid. Hy is sedert 3 Feburarie toegang tot die kantoorgebou geweier en aangesê om hom te laat toets vir Covid-19.
Hy het egter aangevoer dat hy nie die toets kon bekostig nie, waarna hy op 22 April afgedank is.
Die komissie vir versoening, bemiddeling en arbitrasie (KVBA) het beslis dat sy afdanking onregverdig is, en dat daar nie bewyse is dat die inenting hom of sy kollegas sou beveilig teen Covid-19 nie.
Die KVBA het Multichoice beveel om agt maande se salaris van R104 150 aan Mofokeng te betaal.
Multichoice het die beslissing op hersiening geneem.
Foto: TV met Tinus
